Kahit Naligaw Ang Mga Lider Mahalin Pa Rin Ang Tunay Na Iglesia

Ang EGM ay pagtitipon ng mga nag mamahal sa Iglesia Ni Cristo na nanghahawak sa katotohanan at paglilingkod sa Diyos.

Ito ay hindi pagtatayo ng bagong relihiyon sa halip ito po ay pangangalaga sa mga kapatid na pinag usig at itiniwalag ng kasalukuyang namamahala sa Iglesia Ni Cristo

Hindi po kasama at walang kaugnayan ang EGM sa mga ginagawa ng grupo ng incsilentnomore or GPM , maging ito ay sa Youtube at Facebook  at mga artikulo o blog na sinulat nila.  Maging  maingat po ang mga kapatid dahil yong ganong gawain ang paglaban sa Iglesia at pag sira sa doktrina na ating tinanggap sa Sugo ng Diyos sa huling araw.

~Para sa iba pang katotohanan at paglilinaw maari po kayong mag email sa amin sa : info@incdefenders.org

Despite The Wayward Leaders Our Love For The True Church Should Not Fade

The Iglesia Ni Cristo in these last days will never be turned away from the faith.
The Ecclesiastical Group Meeting (EGM) is a gathering of those who love the Iglesia Ni Cristo and those who uphold the true words of God and worship Him.

We admonish the wrong teachings of those who call themselves defenders,  specifically the group of incsilentnomore  or their live gatherings and online (zoom) meetings; the so-called group prayer meeting -gpm )
The intent of the EGM is not to establish a new Church, but to help and nourish the souls of the brethren who were oppressed and expelled by the present church administration of the Iglesia Ni Cristo.
EGM has nothing to do with or no association with this group whatsoever or its postings on YouTube, Facebook and articles or blogs.
 Hence, we kindly remind the brethren to be cautious, because their actions are against the Iglesia Ni Cristo that could result in damaging the doctrine that we received from the Last Messenger of God in these last days.
 ~ For  more info  you may send your email to info@incdefenders.o

SAGOT KAY BOBBY FERNANDEZ AT MARLEX CANTOR

SAGOT KAY BOBBY FERNANDEZ AT MARLEX CANTOR                                                               by  Isaias T. Samson Jr.

Hindi ko agad sinagot ang ipinost mo noong Feb. 13 dahil naghintay pa rin ako ng hinihingi kong punto por puntong sagot mo pagkatapos mong magdahilan na nagkamali ako sa mga petsa ng mga posting mo. Inilagay mo rin sa bandang huli ng salitang, “ITUTULOY.” Iyon pala, ang “itutuloy” mo lang ay ang pagbibintang (ang tawag mo ay “sagot”), na hindi ako nagpasakop sa pamamahala ng Iglesia, at ang pag-iwas mong sumagot sa mga inisa-isa kong problema. Pero inunawa ko na lang na talagang may mga taong napakabagal mag-isip, o walang maisip, at worse, walang ??? Naisip ko rin na baka hindi mo gaanong nauunawaan ang iyong mga isinusulat sa Tagalog kaya itong huling posting mo ay isinalin na ni Marlex Cantor sa English, na katunayan din na hindi ka nag-iisang gumagawa ng iyong mga ipinopost at dinidiktahan ka ng mga handler mo, kaya lang, WALA RIN. Magkahalo tuloy na lungkot at awa ang aking nadama, una, sa iyo dahil alam kong may mga gumagamit sa iyo, ang problema, nagpapagamit ka naman. Sabi nga, “it takes two to tango.” Higit sa lahat, naaawa ako sa mga tinuturuan mong nagmiministro dahil walang matinong sagot at pagsagot na matututuhan sa iyo, kundi, pawang pag-iwas lang sa mga dapat sagutin at ang maging tulad sa robot na may nagpapakilos na iba. Siguro, mag-volunteer ka na lang na magturo sa mga STF students, tutal ang marami sa kanila ay hindi ang ministerial lessons na itinuro ng matitinong tagapagturo ang sinusunod, kundi ang magbiyenan na kanilang pinapanginoon. Bagamat ang marami sa kanila ay hindi natuto ng tunay na ministeryo, punong-puno naman ng hangin o angas ang kanilang katawan dahil umaasang mabibigyan ng mataas na ranggo sa Iglesia kahit na wala o kulang na kulang sa karanasan gaya ng ilang ginawang tagapangasiwa ng distrito dahil lang sa pagiging malapit (kilala mo sila).

Ayon sa iyo, hindi katunayan ng pagpapasakop ang aking ginawang pagdulog sa Pamamahala ng mga korupsiyon at anomalya (“hinaing” ang tawag mo) sapagkat may “nakatago (akong) intensiyon” at hindi ko nahintay ang “buong proseso.”

Sayang, kung hindi niyo lang iniiwasang sagutin ng punto por punto ang mga ipinost kong idinulog ko sa Pamamahala, ay baka naunawaan ninyo na ang mga idinulog ko ay hindi personal na hinaing kundi ang para sa kapakanan ng Iglesia at ng Pamamahala, tulad halimbawa ng mga pandaraya sa pag-uulat sa mga dinuduktrinahan (na alam na alam ninyong nangyayari) at ang masamang reflection nito sa namamahala, higit sa lahat ay sumisira sa Iglesia. Pero kung hindi niyo lang napansin, ay sabihin niyo lang kung gusto ninyong isa-isahin kong muli, at kung gusto ninyo ay idaragdag ko na rin ang mga hindi ko natalakay nang una. Pakiusap lang, tiyakin ninyo na isa-isa ninyong sasagutin o idi-deny man lang ang lahat, upang marami pang makaalam ng mga totoong pangyayari. Siguro naman, iyon ang gusto ng mga nag-uutos sa iyo kaya sinimulan mong muli ang pagpo-post sa FB ng laban sa akin at sa EGM group na umiiwas sana sa paggamit ng FB accounts. Hindi ito pagbabanta, pero kapag nagpatuloy kayo sa pagbibintang ng kung ano-ano, nangangahulugan lang na napapanahon nang malantad ang lahat.

Sabi ninyo “hindi ko nahintay ang buong proseso.” Tamang proceso ba na palisin ng kamay ang dala kong papeles na nagpapatunay na ang kinuhang builder ng Philippine Arena ay isa sa mga “Most Wanted” ng Pulisya sa South Korea sa halip na ipasiyasat? Kung hindi pa lumabas sa media na ang wanted na ito ay ini-released under the custody of Jun Santos ay nanatili sana itong lihim.  Tama bang proseso na ang isang confidential letter ng isang nagmamalasakit na taga-sanlibutan tungkol sa anomalya sa pagpapatayo ng Arena, sa halip na siyasatin ang mga iniulat, ay pinakasuhan pa ang nag-ulat? Tama bang proseso na pagkatapos na iparating ko ang reklamo ng mga Pamunuan at ng mga nasa Pananalapi sa mga lokal sa U.S.A na pinapalitan ng tigwa-one hundred dollar bills ang mga abuloy at hindi na dumaraan sa legal na proseso, kundi, agad-agad ay kinukuha na ng inutusang kumuha, ay pinabayaang magpatuloy kahit na mapanganib na ma-charge ng money laundering ang kinauukulan? Gaya ng nasabi ko na sa itaas, marami pa akong maidaragdag, kung gusto niyo lang.

GAANO BA KATAGAL ANG PROSESONG SINASABI MO? Alam mo ba kung ilang ulit at kung kailan ko pa idinulog sa Pamamahala ang mga problema? Ilang taon akong umasa at matahimik na naghintay ng kahit anong aksiyon, tulad rin ng marami ngayong mga ministro at mga kapatid na patuloy na naghihintay at umaasa na lulunasan o gagawa pa rin ang pamamahala ng kailangang pagbabago sa halip na isisi sa nag-uulat at nagmamalasakit at tawaging mga kaaway ng Iglesia. Ang mga naunang namamahala sa Iglesia, kailan pa man at may mabalitaang anomalya lalo pa kung may nag-uulat ay agad-agad na umaaksiyon dahil ayaw nila na mabahiran ang malinis na imahe ng Iglesia.

Ngayon naman, sa ipinost ninyo ni Marlex, hindi na naman ninyo inaddress ang maraming mga nabanggit ko na, maliban sa paninindigan namin na ang Diyos ang magre-restore sa Iglesia.

“TANONG (NINYO) KAY ITS: Kung totoong dapat nang i-restore ng Diyos ang Iglesia, ano ang papel mo sa kabuuan ng restoration? Sino at ano ka sa sinasabi mong gawaing iyan? Sino ang nagsugo sa iyo? Ang Diyos ba ang nagsabi sa iyo nito? Kung ang Diyos, kailan Niya ito sinabi sa iyo? Pagkatapos ba noong ikaw ay matiwalag o bago ka matiwalag? Nasaan ang hula o patotoo ng Biblia para sa iyo?”

Whoah, hold your horses there, smart guys. Don’t let your imagination run wild. I never mentioned anything about any role that I would play in the restoration, yet you’re quick to ask me if I was sent by God and if there is a prophecy or testimony about me. And then, you followed it up with more questions and baseless commentaries based on pure assumptions. Helloo, do you hear yourselves? You’re supposed to be ministers of God and not commentators. Don’t put your own deceptive words in my mouth.

Pinipilit ninyong itanong kung may “papel” ako at ang aking mga kasamang ministro sa restoration sa kabila ng paninindigan namin na ang Diyos ang gagawa nito. Bahala na kayo kung tatawagin ninyong “papel” ang magpayo sa mga itinitiwalag at inuusig ninyo na huwag silang hihiwalay sa mga tunay na aral na itinuro ng Sugo. Kailangan pa ba ang hula at maging Sugo para magpayo at magmalasakit sa kanila? Kahit sino ang makabasa ng isinulat ninyo ay mapapansin agad na wala na talaga kayong patnubay ng Diyos. Bumabalik sa inyo ang sinabi ninyo na “ang diablo na kaaway ng Diyos ay mayroon ding isinusugo.”

SABI NINYO SA AKIN: “Lagi mong ginagamit ang Efeso 5:27 upang patunayan na kailangan nang i-restore ang Iglesia dahil ang sabi mo nawala na ito sa uring maayos, tunay at banal.”

“TANONG (NINYO PA) KAY ITS: Noon bang gamitin ng Sugo at ng Kapatid na Eraño Manalo ang Efeso 5:27, ang ibig bang sabihin sa panahon nila ay wala na sa uring tunay, maayos at banal ang Iglesia kaya kailangan na itong i-restore? Kaya noon pa pala ay ganito na ang tingin mo sa Iglesia? Kung sasabihin mong hindi, lumalabas hindi malinis ang iyong budhi sa paggamit ng talata.”

SAGOT KO: Saan at kailan ko sinabi na nawala na sa pagiging tunay ang Iglesia? You’re putting your own words again in my mouth. FORCE OF HABIT? Kayo mismo ang nagpatotoo na kinokontra ko ang itinuturo ng Remnant few group na ang Iglesia sa mga huling araw ay natalikod na, kaya alam ninyo na naninindigan kami na tunay ang Iglesia Ni Cristo. Ang lagi ko (naming) sinasabi, ang Iglesia Ni Cristo ay ang tunay na Iglesia na ihaharap kay Cristo sa araw ng Paghuhukom kaya dapat na ito ay maibalik (restore) sa lubos na kaayusan at kabanalan, walang dungis at kapintasan tulad ng nakasulat sa Efeso 5:27. Hindi nawala ang pagiging tunay ng Iglesia dahil lamang sa ito ay labis na ninyong dinungisan at patuloy pang dinudungisan

Pakiusap lang, humanap kayo ng matalino sa mga kasamahan ninyo (kung mayroon pa), to point out and make you understand, how faulty and ridiculous your argument or logic (assumption is the appropriate word) is. Ibang iba ang kalagayan noon ng Iglesia sa kalagayan ngayon. Noon ay bantay sarado ng mga namamahala at ng kanilang mga tapat na kasama ang Iglesia (kabilang na siguro ang tatay mo Bobby). Hindi sila pumapayag na makapamalagi ang sinoman lalo na sa hanay ng mga ministro, kung nasusumpungan sila sa mga paglabag o anumang anomalya. Hindi nila kinunsinti ang kurapsiyon o mga pag-uulat na mali ng sinomang ministro o manggagawa. Kaya nila laging ginagamit ang Efeso 5:27 ay upang mahikayat ang lahat na mabuhay ng may kabanalan, at maituwid ang nahuhulog sa paggawa ng masama. Tama kayo sa pagsasabing, “Alam na alam (ko) na kinakasangkapan ng Diyos ang (matuwid na) Pamamahala sa pagdadala sa Iglesia sa kasakdalan …” gaya nga ng Sugo at ng Kapatid na EGM. Samakatuwid, kung may pagre-restore man noon, iyon ay upang mai-restore ang mga naligaw na kaanib ng Iglesia. Hindi ba kayo ang bumabaluktot sa mga sinasabi ko para palitawin na “hindi malinis ang (aking) budhi sa paggamit ng talata?”

You cannot deceive all members. As Abraham Lincoln said: “You can fool all the people some of the time and some of the people all the time, but you cannot fool all the people all the time.”  Specially God’s people.

SINO NGAYON ANG MANDARAYA O SINUNGALING AT MGA ANAK NG DIABLO?

“Kayo’y sa inyong amang diablo, at ang mga nais ng inyong ama ang ibig ninyong gawin. Siya’y isang mamamatay-tao buhat pa nang una, at hindi nananatili sa katotohanan, sapagka’t walang katotohanan sa kaniya. Pagka nagsasalita siya ng kasinungalingan, ay nagsasalita siya ng sa ganang kaniya: sapagka’t siya’y isang sinungaling, at ama nito.” (ADB: John 8: 44)

 

Ang Uri ng Namamahala na dapat tayong magpasakop

Ang EGM ay pagtitipon ng mga nag mamahal sa Iglesia Ni Cristo na nanghahawak sa katotoahanan at paglilingkod sa Diyos.

Ito ay hindi pagtatayo ng bagong relihiyon sa halip ito po ay pangangalaga sa mga kapatid na pinag usig at itiniwalag ng kasalukuyang namamahala sa Iglesia Ni Cristo

Hindi po kasama at walang kaugnayan ang EGM sa mga ginagawa ng grupo ng incsilentnomore or GPM , maging ito ay sa Youtube at Facebook  at mga artikulo o blog na sinulat nila.  Maging  maingat po ang mga kapatid dahil yong ganong gawain ang paglaban sa Iglesia at pag sira sa doktrina na ating tinanggap sa Sugo ng Diyos sa huling araw.

~Para sa iba pang katotoahan at paglilinaw maari po kayong mag email sa amin sa : info@incdefenders.org

Ang Tunay At Namamalaging Iglesia Ni Cristo

Ang EGM ay pagtitipon ng mga nag mamahal sa Iglesia Ni Cristo na nanghahawak sa katotoahanan at paglilingkod sa Diyos.

Ito ay hindi pagtatayo ng bagong relihiyon sa halip ito po ay pangangalaga sa mga kapatid na pinag usig at itiniwalag ng kasalukuyang namamahala sa Iglesia Ni Cristo

Hindi po kasama at walang kaugnayan ang EGM sa mga ginagawa ng grupo ng incsilentnomore or GPM , maging ito ay sa Youtube at Facebook  at mga artikulo o blog na sinulat nila.  Maging  maingat po ang mga kapatid dahil yong ganong gawain ang paglaban sa Iglesia at pag sira sa doktrina na ating tinanggap sa Sugo ng Diyos sa huling araw.

~Para sa iba pang katotoahan at paglilinaw maari po kayong mag email sa amin sa : info@incdefenders.org

God Alone Can Judge All Mankind

The Iglesia Ni Cristo in these last days will never be turned away from the faith.
The Ecclesiastical Group Meeting (EGM) is a gathering of those who love the Iglesia Ni Cristo and those who uphold the true words of God and worship Him.

The intent of the EGM is not to establish a new Church, but to help and nourish the souls of the brethren who were oppressed and expelled by the present church administration of the Iglesia Ni Cristo.
We admonish the wrong teachings of those who call themselves defenders,  specifically the group of incsilentnomore  or their live gatherings and online (zoom) meetings; the so-called group prayer meeting -gpm )
EGM has nothing to do with or no association with this group whatsoever or its postings on YouTube, Facebook and articles or blogs.
Hence, we kindly remind the brethren to be cautious, because their actions are against the Iglesia Ni Cristo that could result in damaging the doctrine that we received from the Last Messenger of God in these last days.
 ~ For  more info  you may send your email to:
                       info@incdefenders.org

SAGOT SA MGA KASINUNGALINGAN AT MALING PARATANG NI BOBBY FERNANDEZ

SAGOT SA MGA KASINUNGALINGAN AT MALING PARATANG NI BOBBY FERNANDEZ    By: Isaias T. Samson, Jr.

 NOTE: Nagpapasalamat ako sa mga nagpadala sa akin ng ipinost ni Bobby Fernandez.

Minarapat ko na sa pagkakataong ito ay sagutin ang ipinost ni Bobby Fernandez sa kaniyang FB account upang huwag madaya ng kaniyang mga kasinungalingan at maling paratang ang mga nakababasa ng kaniyang ipinost. Nais ko lang ipagpauna, na ang sinasagot ko ay hindi ang kaniyang mga sinasabi tungkol sa “Remnant Few” o “Replacement Group”, kundi iyon lamang mga maling paratang niya sa akin at sa mga kasama ko sa EGM.

Ang mga sagot na ito ay hindi lamang para kay Bobby, kundi, para din sa mga taong nasa likod niya o sa mga nag-utos sa kaniya, sapagkat ang isang ministro ay hindi mangangahas magpost ng anuman nang hindi alam o hindi  iniutos ng mga nakatataas sa kaniya.

MGA PARATANG NI BOBBY AT ANG AMING MGA SAGOT:

  1. “Wala sa puso at isip ang pagpapasakop (sa Pamamahala), kundi ang nais ay sila ang tagapanguna sapagkat nakatuon lang sa sariling pakinabang. Nagagawa nila ito dahil wala na sa kanila ang Espiritu Santo.”

SAGOT:

Hindi ba pagpapasakop at pagmamalasakit sa Pamamahala na lumuluhang idinulog ko at ipinagbigay-alam sa kaniya ang mga nangyayaring korupsiyon at anomalya sa Iglesia para kaniyang maaksiyunan sapagkat nasisira ay ang Iglesia at siya na rin ang sinisisi ng mga nakakaalam? Ang ilan sa mga inilapit ko sa kaniya ay ang mga nangyayaring katiwalian sa pagtatayo ng Philippine Arena; ang tungkol sa fugitive na Koreano na main contractor; mga pandaraya sa pag-uulat ng bilang ng dinuduktrinahan at mga ginagawang Lingap sa Mamamayan pati na ang kurapsiyon sa ginugugol sa mga ito; gayundin, ang ginagawa sa mga abuloy sa abroad na hindi na pinararaan sa tamang proseso at labag sa batas at basta na lamang kinukuha sa mga lokal. Ganiyan ba ang nagnanais na maging “tagapanguna”?

Ang pagpapasakop bang nalalaman ninyo ay ang manahimik at magbulag-bulagan na lamang sa harap ng nagdudumilat na korupsiyon at anomalya na sumisira sa Iglesia tulad ng ginagawa ng marami sa inyo lalo na ng mga high ranking at matatandang ministro? Aminin ninyo na kabilang kayo sa mga nakasaksi at naguusap-usap tungkol sa mga katiwaliang nagaganap sa Iglesia. Pagkatapos ay may tapang pa kayo na sa akin o sa amin ibagsak ang sisi. Alam ninyo at higit sa lahat ay alam ng Diyos, na kaya ako nalagay sa ganitong kalagayan, ay dahil sa pagpapasakop at pagmamalasakit sa Pamamahala ng Iglesia.

Pangsariling pakinabang ba na iwanan ang lahat ng tinatangkilik, lalo na ang mga mahal sa buhay, tiising magtago kung saan-saan dahil may humahanting at gumigipit sa amin, at manganib ang buhay, idemanda (kaya napilitan din akong magsampa ng demanda), at marami pang iba? Kung iniisip ninyo na nagsasamantala ako sa mga kapatid ay hinahamon kita (kayo) na magpakita kahit ng isang matibay na ebidensiya.

Hindi ba’t ang pangsariling pakinabang ay iyong ayaw ninyong manindigan sa tama at ipagsanggalang ang Iglesia mula sa mga sumisira dito na namamayagpag loob ng Iglesia, manapa ay napakakasangkapan kayo sa paninira at pag-usig sa mga tunay na nagmamalasakit sa Iglesia, para sa kapakinabangang panlaman?

Wala na raw sa amin ang Espiritu Santo. Nalimutan na ba ninyo ang sinasabi ng Biblia na ang iniiwan ng Espiritu Santo ay ang pumipighati rito, tulad ng mga “nagnanakaw,” ang mga punong-puno ng “kapaitan, kagalitan at panglilibak” na gaya ng ginagawa ninyo at ng inyong mga tagasunod (Efe. 4:28-31). Iniiwan din ng Espiritu Santo ang katulad ng lider na si Saul, sapagkat sa halip na buong higpit at giting na sundin ang utos ng Diyos ay kaniyang nilabag dahil sa pakinabang (I Sam. 15:9).

  1. “Ang sabi ng grupo ni Isaias Samson Jr. ‘restoration’ lang daw ang gagawin nilaire-restore ang Iglesia.”

SAGOT: Dito ay nahahayag ang kasinungalingan ni Bobby at ang katunayan na tumatalakay siya ng isyu na hindi naman niya nauunawaan (II Ped. 2:12). Magpakita ka nga ng katunayan na  sinabi namin na kami ang gagawa ng restoration ng Iglesia. Alam na alam ng mga tunay na nakaririnig sa amin na ang pinagdiriinan namin ay ang Diyos ang magre-restore sa Iglesia sa kalagayang banal at walang dungis upang mahanda sa muling pagparito ng ating Panginoong Jesucristo (Efe. 5:27). Iyon ang aming binibigyang-diin sa panahon ng aming mga EGM upang ang mga kapatid ay huwag mahulog sa paggawa ng mga maling hakbang, at sa pagsasalita ng masama na gaya ng ginagawa ng marami lalo na sa social media na nakasisira lang sa imahe ng Iglesia.

Bobby (at mga kasama mo), sana ay pakalimiin mo ang nakasulat na ito sa II Pedro 2:12:

“Datapuwa’t ang mga ito, na gaya ng mga kinapal na walang bait, na ipinanganak na talagang mga hayop upang hulihin at lipulin, na nagsisialipusta sa mga bagay na hindi nila nalalaman ay walang pagsalang lilipulin sa kanila ring pagkalipol.”

  1. “Kung tapat at totoo ang layunin nila sa kanilang sama-samang paglulunsad noon ng rebelyon …”

SAGOT: Hindi kami naglunsad ng rebelyon. Kung nagrerebelde man ang damdamin ng marami at patuloy pang dumarami, ay dahil sa nakikita nila ang mga kasamaang ginagawa sa Iglesia ng marami sa inyo, tulad ng pag-aabuso at maling paggamit ng abuloy, kunan ng litrato o i-video sa panahon ng pagsamba ang mga pinaghihinalaan ninyo. Naririnig nila ang mga pang-aatake at panalangin ninyo na lipulin na ng Diyos ang mga itinuturing ninyong kaaway, at nadarama ang paglalagay ninyo sa kanila ng “mabibigat na atang” dahil sa mga karagdagang iba’t ibang uri ng donasyon at abuluyan na malimit ay nagagamit lamang sa mga pa-raffle ng mga sasakyan at pamamasyal ng mga ministro sa ibang bansa. Kung kayo ay nagiging mga bingi at bulag na sa mga daing at hinanaing ng mga kapatid, ang marami naman sa kanila ay dilat na dilat ang mga mata sa ginagawa ninyong panggigipit at pananakot sa mga pinaghihinalaan ninyong kaaway ng Iglesia, lalo na ang inyong ginagawa sa pamilya ni Ka Erdy at sa mga nagmamalasakit sa kanila. Nakikita nila na wala kayong kasiyahan sa inyong ginagawa. Itiniwalag na nga at ang iba ay ipinabilanggo pa ninyo, subalit patuloy pa rin ninyong inuusig at ginigipit. Gawain pa ba iyan ng isang Cristiano o kahit ng isang taong nasa katinuan ang pag-iisip? Higit sa lahat, gawain ba iyan ng mga tunay na ministrong nanumpa sa Diyos na kanilang pangangalagaan at ipagsasanggalang ang kawan o ang Iglesia?

Marami pa akong mababanggit pero alam kong alam niyo na rin ang mga nangyayari sa Iglesia. Ang totoo, kaya nga idinulog ko sa Pamamahala ang mga kurapsiyon at anomalya na nabanggit ko na sa itaas ay dahil noon pa man ay marami na ang nagdaramdam na nauuwi sa paghihimagsik ng damdamin dahil walang aksiyon para ang mga ito ay sugpuin. Sa halip, ang pilit ninyong sinusugpo at pinarurusahan ay ang mga kapatid na nagmamalasakit sa Iglesia—mga matatanda nang kapatid at mga maytungkulin na napakalaki na ng puhunan sa pagmamalasakit sa Iglesia.

Kung inaakala ninyo na karamihan sa mga “defenders” ay naligaw na, ay nagkakamali kayo sapagkat iilan lang mga mga yaon kaya lamang parang marami ay dahil maiingay sila sa social media.

NGAYON, MASISISI BA NINYO KUNG MARAMING NAGREREBELDE ANG DAMDAMIN? HINDI MATATAPOS ANG GULO SA IGLESIA HANGGA’T IPINAPASA NINYO ANG SISI SA IBA. SANA AY MAISIP NINYO NA KUNG MAYROONG DAPAT SISIHIN AY ANG INYONG SARILI.

Kapansin-pansin din na ang binibigyan niyo lamang ng pansin ay ang “pagkakaiba” ng paninindigan namin sa ibang grupo ng mga “defenders,” subalit pinakakaiwas-iwasan ninyong banggitin ang aming ikinaiiba. Bakit? Natatakot ba kayo na malaman ng lahat na ang mga aral na aming tinitindigan at ipinagtatanggol ay ang mga tunay na aral na itinuro ng Sugo sa mga huling araw, ang kapatid na Felix Y. Manalo, at buong giting na itinaguyod ng Kapatid na Eraño G. Manalo? Nangangamba ba kayo na mahayag at mapatunayan na hindi kami kalaban ng Iglesia at ng kaniyang mga aral gaya ng inyong ipinangangalandakan sa buong Iglesia sa layuning lasunin ang kanilang mga isipan, udyukang magalit sa amin ang mga kapatid at i-justify ang di makatarungang pagtitiwalag ninyo sa amin? Ang dapat kasing itiwalag ayon sa Biblia ay “ang mga masasamang tao” (I Cor. 5:13), at hindi ang ayaw “makibahagi sa mga walang mapapakinabang na gawa ng kadiliman,” o ang mga “sinasawata o inilalantad” ang mga masasamang gawa (Efe. 5:11).

Kung naghahanap kayo ng mga “guilty” at lumabag sa mga aral na ito, ay  hindi niyo na kailangang magpakalayo-layo pa. Humarap na lang kayo sa salamin at tumingin sa inyong paligid at marami kayong makikita.

“At ngayon pa’y nakalagay na ang palakol sa ugat ng mga punong kahoy: ang bawa’t punong kahoy nga na hindi nagbubungang mabuti ay pinuputol at inihahagis sa apoy.” (ADB: Mateo 3:10)

 “Kayo nga’y mangagbunga ng karapatdapat sa pagsisisi” (ADB: Mateo 3:8)

 “Datapuwa’t ayon sa iyong katigasan at iyong pusong hindi nagsisisi ay nagtitipon ka sa iyong sarili ng poot sa kaarawan ng kapootan at pagpapahayag ng tapat na paghuhukom ng Dios” (ADB: Romans 2:5)

 

Ang Masasamang Lider at Hindi Ang Tunay na Iglesia ang Babagsak.

Ang EGM ay pagtitipon ng mga nag mamahal sa Iglesia Ni Cristo na nanghahawak sa katotoahanan at paglilingkod sa Diyos.

Ito ay hindi pagtatayo ng bagong relihiyon sa halip ito po ay pangangalaga sa mga kapatid na pinag usig at itiniwalag ng kasalukuyang namamahala sa Iglesia Ni Cristo.

Hindi po kasama at walang kaugnayan ang EGM sa mga ginagawa ng grupo ng incsilentnomore  at sa mga ipinangangaral nila sa kanilang group prayer meetings (GPM), maging ito ay sa Youtube at Facebook  man o mga artikulo at  blogs na sinulat nila.  Maging  maingat po ang mga kapatid dahil yong ganong gawain ang paglaban sa Iglesia at pag sira sa doktrina na ating tinanggap sa Sugo ng Diyos sa huling araw.

~Para sa iba pang katotohanan at paglilinaw maari po kayong mag email sa amin sa :    info@incdefenders.org

Dapat na Nakatuon ang Pansin sa Gawaing Itiniwala ng Diyos

Ang EGM ay pagtitipon ng mga nag mamahal sa Iglesia Ni Cristo na nanghahawak sa katotoahanan at paglilingkod sa Diyos.

Ito ay hindi pagtatayo ng bagong relihiyon sa halip ito po ay pangangalaga sa mga kapatid na pinag usig at itiniwalag ng kasalukuyang namamahala sa Iglesia Ni Cristo.

Hindi po kasama at walang kaugnayan ang EGM sa mga ginagawa ng grupo ng incsilentnomore or GPM , maging ito ay sa Youtube at Facebook  at mga artikulo o blog na sinulat nila.  Maging  maingat po ang mga kapatid dahil yong ganong gawain ang paglaban sa Iglesia at pag sira sa doktrina na ating tinanggap sa Sugo ng Diyos sa huling araw.

 

~Para sa iba pang katotoahan at paglilinaw

maari po kayong mag email sa amin sa : 

info@incdefenders.org